وشربت من كاس مرارك ولكل جرح رويت
ورفعت راسك بايدى يا بلدى انا ونسيت
اخدونى من جوا بيتى بالاسورة اتزفيت
مسحوب كأنى غنم رايحين لحد الغيط
مظلوم يا عالم انا دنا ماشى فيها عبيط
قالولى كلك مشاكل على ناس كتيرة جنيت
ريح دماغك بقى واخبطها ف اعرض حيط
حسيت بذل واهانه ومن كسر قلبى بكيت
وليالى سجن الالم نايم ولا اتغطيت
مش لاقى لحظه دفا للبرد انا اتعريت
والقاضى من غير سبب قالى انت يابنى حويط
قول الحكايه بقى قولت الحكايه عبيط
بمدح ف بلدى واقول يا بلادى انا غنيت
قالى خلاص اتكتم انا عندى كام تثبيت
وف وسط عتمة ليالى جوا السجون مليت
حال البلاد اتقلب م الفرح والتنطيت
قالوا ميدان البلد شاهد على العفاريت
الثورة زى الاسد هدت نظام تعبيد
وخرجت مليان امل عليه يا دوب تشتيت
وسألت قبل مادوس على دم مين خطيت
قالوا شهيد الوطن علشان يعيش البيت
واليوم بقالنا سنه لا فرحت لا اتهنيت
يا بلدى حالك كما من كام سنه عديت