جيــــــش ادم وهجومه على حــــــوا ؟هههههه

شوفوا يا جماعة
بما ان هنا في أولاد وبنات
وديما في صراع بين الولاد و البنات طبعاً
كتبت شعر بيعبر عن وجهة نظر ادم في حواااااااا
بيصور اللي بيعانيه شخص اسمه ادم من امراة اسمها حوا

وحكى قصته لكل آدم علشان يعرف حوا على حقيقتها

رسالة من آدم إلى ابنائه احترسوا من بنات حوا

اسمع القصة دي عبرة
مش كلام حبر وورق
قصتي مع بنت حوا
قصة عمري اللي اتحرق
كنت ماشي في يوم منيل
في الشارع وقبلتها
قولت خلاص لقيت حبيبتي
قصة وهم وعشتها
شفت في عنيها بحبك
شفت كلام يا ريته مات
وشوفت فيها احلى غنوة
من زمن الحب اللي فات
رحت ليها وهيا قاعدة
في مكان هادي وجميل
قلت ليها بحبك انتي
وقليتلي كلام ملهوش مثيل
قالت روح واطلب ايديا
وياريتني ما سمعت الكلام
عقلي راح مني يا عالم
ولا غطاه الغمام
المهم رحت بيتها
لقيت ابوها وعمها
واتفقنا على كل حاجة
ووصاني إني احبها
والمأذون جاني يا عالم
زي حانوتي المواتم
لبستني دبلة فالصو
و انا شاري كوم خواتم
ورحنا على العش الجميل
اللي صار بعدين سجون
عشت فيه شهرين عسل
والباقي عشته في الشجون
عايزة ايه يا بنت حوا
عايزة مني تاني ايه
كل يوم عايزة حاجة
حملك مش قادر عليه
ارحميني حرام عليكي
هوا آدم مش بشر
طول النهار شغل وقرف
لما الواحد ضهرة انكسر
سمعتي كلام حماتي ليه
ومليتي بيتي بالعيال
خلو حملي يزيد عليا
حمل اتقل ملجبال
عايدة وسمير مرسي وعبير
وعايزة كمان تجيب ايهاب
دا غير جلال واخته دلال
الدنيا اسود ملهباب
يا بنت حوا حرام عليكي
ظلمك دا ملوش مثيل
بعد شغل اليوم بحاله
عايزاني الم الغسيل
آدم المسكين يا عالم
جتله حالة انهيار
كتب رسالة لكل آدم
يا بني اوعه تكون حمار
الرسالة طايرة حايرة
من واحد آدم حزين
لبنت حوا وجنسها
كبار كمان وصغيرين
مسكت قلمي وحلفت لكتب
شعر هجو فكل حين
لبنت حوا اللي عامله
كلها طيبة ولين
بنت حوا اللي ماشية
في البلاد تقول كلام
حقي واخده مني آدم
وعايشة وحدي في الظلام
خد مني مالي وكان حلالي
وشبكني بشوية عيال
طفحت دم ويومي هم
وعيشة طين ملهاش مثال
بنت حوا المفترية
عايزة تاخد حق آدم
شغلت الدنيا بقضية
وسابته وحده يا عيني نادم
يابنت حواياللي عاملة
زي حية منقطة
آدم المسكين بيتعب
وانتي قاعدة مزبطة
يا بنت حوا ياللي عاملة
زي بير ملهوش قرار
آدم المسكين بيشقى
طالعة عينه ليل نهار
وانتي عارفة كل حاجة
بس يالي استعبطي
آدم المسكين يموت
وانتي شايفة وبتتشمتي

كفاية كدا تعبت حتى واحنا بنكتب في حواااا شعر بتتعبنا

بيتعبونا في اي حاجة هما موجودين فيها

يا رجاااااااااااااااااله

لموا الاسلحة والذخيرة

عشان البنات مش هترحمنا على الموضوع ده ربنا يعديها على الخير