نفسك تبقى لاعّب كورة جامد وتلعب في أكبر أندية العالم؟
لو نفسك تبقى لاعب كورة جامد وتلعب في أكبر أندية العالم وكمان تلعب في المنتخب ! خش على موقع
[ندعوك للتسجيل في المنتدى أو التعريف بنفسك لمعاينة هذا الرابط] , وده باختصار موقع برتغالي بيلعب فيه الآلاف من اللاعبين في العالم وكل
اللي عليك إنك تنمي مهاراتك عشان تيجي لك عروض من أكبر الأندية في اللعبة .
واللعبة مدعومة دعم كامل بالعربي بالشرح كمان.
بدايتك في اللعبة
- هتدخل على الموقع وتضغط على "تسجيل" , وهتلاقي خانات مطلوبة للتسجيل ,
حاول تحط اسم حقيقي ليك مش "اسم دلع" , ممكن اسم الدلع ده تحطه في النيك
نيم بتاعك , وكمان حاول تحط شكل صحيح للعنوان !مش شرط تحط عنوان صحيح ,
بمعنى إنك تحط عنوان كامل لأي مكان والمكان ده مش لازم يكون عنوانك الحقيقي
, يعني مثلا تحط 22 شارع النصر , المعادي , القاهرة. وفيه مجموعة خيارات
تانية زي اللغة والبلد , ودي مهمة جدا إنك تسجل في البلد اللي إنت عايش
فيها .
- متحاولش تسجل أكتر من لاعيب واحد , لأن دي تعتبر من طرق الغش في الموقع
وده مش مسموح بيه أبدا من الإدارة , ولو تم اكتشاف ده هتتوقف كل الحسابات ,
واحتمال كمان يتم حظرك نهائيا.
- بعد ما تسجل في اللعبة هستتنى حوالي يومين لغاية ما يتم الموافقة على
حسابك , بعدها هتيجي لك رسالة تطلب منك الدخول واختيار لاعب ! بعد الدخول ,
هيكون عليك إنك تختار اسم لاعيب ليك بشكل تخيلي من أسماء اللاعبين
المتوافرين , ودي حاجة مهمة جدا لأنك مش هينفع ترجع تاني ! وكمان هيطلب منك
شوية اختيارات تانية لكن أهم حاجة هو القدم اللي هتلعب بيها الشمال أو
اليمين .
- كل اللاعيبه هتبدأ المسيرة الاحترافية وعندها 17 سنة وكل ما يعدي موسم
(الموسم 112 يوم) هيزيد عمرك سنة , وكل مهاراتك هتبقى 0 وإنت طبعا هتنميها ,
و مفيش خيار تقدر تختار منه مركز اللاعب ! لأن اللاعب هيتحدد مركزه حسب
المركز اللي هيلعب فيه وكمان على المهارات اللي هتتمرنها , وطبعا إنت من
الأول هتكون محدد المركز اللي هتلعب فيه.
- بعد ما تكمل خطوة اختيار اللاعب هيكون عليك تظبيط التدريب بتاع اللاعيب
وعشان ميضيعش عليك تدريب ! انضم لفريق "آلي" , يعني فريق مبيدربوش واحد
وبيتم إداراته بشكل آلي , وده هتعرفه من كتابته بلون رفيع لو دخلت على جدول
الدوري في بلدك , وبعدها هتلاقي قائمة فيها جدول للتدريب بتاعك تقدر
تظبطها.وحاول تدور على فريق بيدربه شخص تنضم ليه , وده من خلال إنك تروح
على منتدى الإعلانات , وتكتب بالإنجليزي إنك ناشئ وعاوز تنضم لنادي وتلعب
في مركز كذا , واختيار الفريق بيعتمد على بعض العوامل ! منها المرتب
والمهارات اللي بيدربها النادي ولما تيجي لك عروض اختار أحسنها بالنسبة لك .
- بالنسبة للتدريب ! فيه 3 تدريبات يوميا , الساعة 2 بالليل بتوقيت مصر
والساعة 10 الصبح والساعة 6 بالليل وطبعا اختيار المهارات بيعتمد على
المركز اللي هتلعب فيه , والأفضل طبعا إنك تختار تدريب لمهارة واحدة في
اليوم الواحد والأفضل أكتر إنه يبقى زي التدريب العام اللي بيتدربه الفريق
لأنك هتتمرن بنسبة 100% في الحالة دي , وحاول في الأول تعرف المهارات
المطلوبة للمركز اللي هتلعب فيه , عشان متتمرنش مهارة ملهاش لازمة .
- لما بتتمرن تمرين زي التدريب العام للفريق بتاخد 100% من التدريب لكن
اللياقة بتقل 2% عن كل تمرين , ولو التدريب غير التدريب العام للفريق بتاخد
75% بس من كفاءة التدريب , وفي الحالة دي بتقل اللياقة 1% بس , ولو اتمرنت
الثلاث تمرينات في اليوم الواحد زي بعض هتاخد زيادة أكبر بمعنى إنك لو
هتاخد في التدريب الواحد 10% فإنت هتاخد في التدريب الأول 8% , هيكون
التدريب التاني فيه زيادة 10% تانية , والتمرين التالت هيزيد بنسبة 12% ,
باختصار لو اتمرنت الثلاث تدريبات زي بعض هتاخد 30% من المهارة (المهارة دي
بتكون من 0 ل 20) , ولو اتمرنت 3 مهارات مختلفة هتاخد 8% بس من كل مهارة .
- اللياقة بتقل لما اللاعيب بيلعب ولما بيتمرن ويفضل إن اللياقة متقلش عن
82% عشان متقلش كفاءة التدريب وكمان متقلش كفاءة مهاراتك في اللعب , وفي
الحالة دي هيكون عليك إنك تتمرن لياقة , واللياقة بتكون زيادتها 8% من
التدريب الأول و10% في التدريب التالي و12 % في التدريب التالي والأخير
(عشان تاخد الزيادة دي لازم يكون التدريبات ورا بعض).
- طبعا تمرينك لازم يكون بكفاءة عالية , عشان تقدر تلعب في المنتخب (فيه 3
منتخبات , المنتخب الأول ومنتخب الشباب تحت-21 سنة ومنتخب الناشئين تحت-18
سنة ) ولعبك في المنتخب هيزود خبرتك , والخبرة دي ليها مستويات وبتأثر على
أدائك في الملعب .
- قبل ما تعدي على أي خطوة مش فاهمها وعاوز تستفسر عنها وتاخد استشارة من
اللاعيبه القديمة في اللعبة , روح على المنتدى السعودي وأي سؤال أو استفسار
خش اسأل عنه بدون أي خوف والرد إن شاء الله هيكون سريع , وكمان حاول تقرأ
كل قواعد اللعبة وتفهمها كويس عشان تبقى لاعيب جامد زي ماقولنا في الأول ,
هتقدر تخش التحدي ده ؟ وتبقى لاعيب جامد وتبرز قدراتك في مهارة كرة القدم .
